«Медициналық кабинетке экскурсия»

Ересектер тобында «Медициналық кабинетке экскурсия» атты танымдық шара өтті. Медицина қызметкері балаларды өз жұмысымен таныстырып, жеке бас гигиенасы ережелерін сақтаудың маңыздылығы туралы айтып берді. Балалар балабақшада денсаулықты сақтау үшін қандай профилактикалық шаралар жүргізілетінін, табиғат аясында серуендеу кезінде кене шағуынан қалай қорғану керектігін және тері мен киімді өңдеу үшін қандай құралдарды қолдану қажеттігін білді. Сондай-ақ, медбике түрлі аурулардың алдын алу үшін қолды жүйелі түрде жуу, жеке гигиена заттарын пайдалану және тазалықты сақтау қажеттігін балалардың есіне салды. Әңгіме қызықты әрі танымдық деңгейде өтті, балалар сұрақтарға белсенді жауап беріп, өз денсаулығын сақтау туралы пайдалы білім алды.