Қимылды ойындар

   Жоспар бойынша ересек қазақ тобында қазақ ұлттық ойындарына арналған шағын мереке өткізілді. Балалар «Ханталапай»,«Қыз қуу», «Сиқырлы сандық» және «Киіз үй» ойындарды естеріне алып,қызығушылықпен ойнады.Әсіресе ойыншыларға «Ханталапай» ойыны ұнады. Ойынды үлкендер мен кішілер қосылып та, тек балалар да ойнай береді. Ойынды екі адамнан бес адамға дейін ойнайды, онан көбейіп кетсе ойын қызықсыз болады.Ойынға 21 асық қажет. Жиырма асық біркелкі, ал жиырма бірінші асық қалған асықтардан кішірек болғаны абзал. Осы кішірек асықты Хан сайлайды. Басқа асықтардан ерекшеленіп тұруы үшін хан әдетте қынамен қызыл түске боялған болады. Ұлттық ойындар ойнатылса,балалардың қазақ тілін және елін сүюге деген ынта-жігерлері артады.